محاولة تحديد جنس الجنين تجربه خاصه

اليكم تجربتي في محاولة تحديد جنس الجنين

(اكتفى حقه من الردود)

السلام عليكم ورحمة الله
رجعت لكم احبتي ومعي نتيجتي في محاوله تحديد نوع الجنين
وراح اعرض لكم تجربتي للاستفاده

في البدايه احب اشكر الاخت الفاضله ام رفعه على موضوعها الي اكتسبت منه الفائده والاهم اكتسبت صديقات من مختلف الدول العربيه
وهو موضوع عن غسول بيكربونات الصوديوم

موضوعي راح يكون طويل شوي
لاني ابغى اكتب لكم متى فكرت في هذه المحاولة
وايش هي الاسباب
فـــ اللي تطفش من القراءه بسيطه تروح بالماوس فوق وتضغط على الاانيكك
واللي ما يهمها الموضوع نفس الشي تسكر الصفحه بدون ما تكتب اي رد
يعني بالعربي الفصيح (اكتب خيراً ام اصمت)
نبدأ

انا والعياذ بالله من كلمة انا جبت في البدايه بنتين وكان الامر عادي بالرغم من ان زوجي كان يتمنى الولد في كل مره
وكنت اشوف بعيونه الصدمه لما نعرف انها بنت في السونار
واكيد بعد ما اجيبها تصير غاليه عنده واكثر مني بعد هذي حال الوالدين

المهم لما نويت الحمل في المره الثالثه سمعت عن طرق تحديد جنس الجنين قبل الحمل واستغربت كيف الناس تحاول في شئ هو قدرة الله وحده وقلت في نفسي اكيد المره الجايه بجيب ولد فماله داعي هالخرابيط(( يمكن لان محد في عايلتنا جاب ثلاث بنات ورى بعض اعطاني هذا الشعور))

المهم حملت بمشيئة الله وكان حملي مختلف عن حملي بالبنتين وصرت ابحث بالنت عن علامات الحمل بالولد
كانت كلها منطبقه علي تقريباًً حتى امي كانت تقولي هذا حمل الولد مبينه اعراضه عليك
وجاءت اللحظه الحاسمه اشعه السونار وكنت في الشهر الخامس وكنت في قرارة نفسي متأكده100% انه ولد
لا ومعشمه زوجي بعد واخترنا الاسم وكان يقول لبنتي الكبيره كلها كم شهر ونرمي كرتك
يعني راح ينادوني ابو فلان مو ابو فلانه
في يوم الاشعه قالت لي الدكتوره مو مبين تعالي الشهر الجاي
هنا خفت وقلت لزوجي دايم اللي تحمل بولد يبين من الشهر الثالث ليه انا لا
قالي لا ما عليك الشهر الجاي راح نشوف اعضاءه زين

طبعاً رحت الشهر اللي بعده وسويت سونار
والنتيجه مثل ما توقعتنّ ياللي قاعدات تقّرن

بـــــــــــنــــــــــت

والله غصب عني بكيت
والله كان وجه زوجي مثل الليمونه وهو ينتظر
بكيت لما شفته
بكيت لاني ما حطيت احتمال ثاني
بكيت على كل احلامي الي تبخرت
بكيت بكيت بكيت

الكل كان يقول لي حملك غير,,,,,, شكلك غير,,,,,,,,,,, جده غير
لكن اسونار كان غير غير كل ما تمنينى

المهم ظليت الى لحظه الولاده وانا اقول يمكن غلطانه وادور بالنت عن اخطاء السونار واحط لنفسي احتمال الخطأ
ولكن هيهات هيهات هيهات
جبت احلى بنوته
والحمد لله

بعد ماجبتها وشفت الصدمه والحزن في عيون المحبين
والفرح والشماته بعيون الشامتين

قررت اني احمل على طول واحاول اتبع الطرق المطروحه في المنتديات بعد التوكل على الله طبعاً

لما صار عمر بنتي اربع شهور بديت ابحث بالنت عن الطرق المتبعه في تحديد جنس الجنين
اغلب وقتي على النت ساعات تمر علي وانا جالسه ادور وكنت في الاول ما اقدر اقعد على النت اكثر من ساعه
امل بسرعه
المهم من المواضيع اللي كنت قريتها موضوع للاخت الحبيبه ام رفعه تسأل فيه عن غسول بيكربونات الصوديوم
وفي هذا الموضوع اجتمعنا انا ومجموعه من الاخوات كان هدفنا واحد هو محاولة انجاب ولد طبعاً بعد مشيئه الله سبحانه
خصوصاً اني قريت فتوى بجواز ذلك
كانت كل وحده فينا تلقى معلومه بهالخصوص تكتبها لنا كنا دايم نتعاون في هالشي بعد التوكل على الله
والتقرب منه في كافة العبادات

مثل ما قلت لكم في البدايه بداية تجمعنا هو غسول بيكربونات الصوديوم
وهو عباره عن محلول يغير وسط المهبل من حمضي الى قلوي حتى يساعد في اجتذاب الحيوان المنوي الذكري
لكن عرفنا انه الغسول ما يكفي لوحده لازم حميه وهي اننا نمتنع عن جميع مشتقات الكالسيوم والمغنيسيوم
فبديت اعمل هالحميه كل شي فيه حليب جبن بيض ورقيات خضراء دجاج ما اكله
واكل لحوم((كل شهر ذبيحه بذيك القيمه لحد ما افلسنا عذه من الغنم وش غلوها))وفشار وبرتقال كل يوم كل يوم
بعد كذا بديت اشرب دواء فوار يزيد من الصوديوم في الجسم يلوع الكبد وكنت اشربه كل يوم
وبعد اكلت حبوب البوتاسيوم واستمريت في هالحميه اكثر من سنه تخيلوا
والله العظيم اني احس ان عظامي راح تانيككر من قل الكالسيوم
وبعد كنت اكثر من الشطه لحد ما البواسير بديت تعمل عمايلها فيني
كنت كل ماقريت عن وحده حاطه موضوع بهالخصوص على طول ارسل لها على الخاص اسألها عن تجربتها
وايش جابت كاننّ كلهن جابن اولاد الا وحده مع انها عملت تلقيح مجهري
وهذا بعث في نفسي الامل الكبير في اني اجيب ولد

وكمان من المعلومات اللي الاخوات افادني بها انه في تحميله الديكتارين تساعد على ان المهبل يصير قلوي
استخدمتها واكنت اتشطف بمويه وملح
واستخدمت حبه لي ولزوجي عشان تقضي على الالتهابات
كل هذي الاشياء الي استخدمتها كانت من النت وعن حسن نيه مني يعني كنت اصدق كل ما يكتب واستخدمه

المهم جاءت اللحظه الحاسمه وهي تحديد يوم التبويض لما رحت عند الدكتوره لقت عندي تكيس في المبايض
والبويضه صغيره 9 مل
انصدمت ورحت لدكتوره ثانيه وثالثه نفس الكلام
صرفت لي الدكتوره دواء متفور 500 عشان التكيسات
استخدمت العلاج 7 شهور على ما اظن وكنت كل شهر اتابع التبويض لحد ما تحسنت
وطول فترة العلاج كنت مستمره على الحميه مع الفوار والحبوب والشطه والفشار والملح الزايد في الاكل كل شي كل شي كنت اقراه اسويه
كنت ارقب اكل الحريم اللي حولي و ايش اكثر عندها عيال ولا بنات
وايش نوعية اكلها واقارن بين كل شي

كنت اتحرص على اكلي عند الناس ما اكل شي فيه لبن او حليب او بقوليات استغفر الله العظيم

المهم راح التكيس
اشتريت الغسول وتابعت التبويض لحد ما صار يوم التبويض وحجم البويضه ممتاز 18,5
وفي يوم التبويض غسلت بالغسول وتم الجماع على طريقة السجود وظليت على هالوضعيه ساعتين
اول شهر مافي حمل

والثاني

والثالث

والرابع

واخيراً تم الحمل بعد سنه ونص من البحث المتواصل والحميه القاسيه

يالله كنت مشاقه للجبن والبيض والقشطه

انا هنا كتبت لكن كل شي سويته من اكل وادويه

اما اللي بيني وبين خالقي ما اقدر اكتبه اخاف من الرياء عذراً

مثل ما قلت لكن تم الحمل وكان في نفس يوم الجماع راح تقولن
كيف عرفتي ؟؟؟؟؟؟؟؟؟؟؟؟

عرفت لانه كان
طول دورتي الشهريه 30 يوم كنت كل ما جتني الدوره اسجل تاريخ بدايتها وعلى فكره كنت اكتب كل معلومه احصل عليها في دفتر خاص
في اليوم 15 من اول الدوره نزلت البويضه وتم الجماع العصر وجبت بعد 9شهور بالضبط العصر والله على ما اقول شهيد
والجماع كان مره وحده ولا عدناها الا بعد ما حللت وعرفت اني حامل وانا حللت بعد الجماع بعشرة ايام

طبعا كل التواريخ اكتبها بالميلادي لانه اضبط من الهجري اللي في بعض اشهره ناقصه
كنت اذا اخرت الجماع يوم واحد بعد نزول البويضه ما يتم الحمل
عشان كذا تم الجماع بعد ساعات من نزول البويضه باشراف الدكتوره

بدء الوحام وكان ولله الحمد خفيف عانيكك وحامي بالبنات ,,,,,,,,, اول بوادر حمل الولد لان كل اللي في المنتدى
الا القليل منهن اتفقن على ان الولد اخف من البنت وانا مجربه ثلاث بنات

لما صار لي 7 او 6 اسابيع سويت سونار وكان شكل الكيس هلالي والجنين الي داخل مثل الربيانه,,,,,,,,,,,,,
هذا ثاني مؤشر لاني كثير قريت ان الهلالي ولد وقليل قليل قالن لا وممكن انكن تبحثن في هذا الموضوع

كانت هذي اول اشعه ولا عدتها الا في الشهر الثامن
لما بدى يكبر الجنين بديت اتحسس مكانه كان في الوسط بناتي الثنتين الاوليات كانن على اليمين
والثالثه على اليسار
اول مره يصير جنين بالوسط استغربت
ولما بدى الجنين بالحركه وانا بالشهر الرابع كانت مثل النبض عند السره
ورحت افتر بالهمنتديات عن هالحركه كانت الاغلبيه تقول ولد
بناتي الاوليات تحركن بالخامس والثالثه في الشهر الثالث لما كملته هالحمله غير بالرابع

بدت الايام والشهور تمشي ببطئ وانا رافضه اسوي سونار لاني ما ابغى احد يدري انه ولد
لاني اذا سويت سونار راح يسألوني الناس وانا ماابغى اعلم ولا ابي اكذب
فالاريح اني ما اسوي هذا من جهه ومن جهه ثانيه اخاف تطلع بنت وانغث استغفر الله العظيم
يا بنات انا اكتب لكم بكل صدق واكتب لكم كل احاسيسي هالاشياء ما هي بيدي هذي من الشيطان
غصب عني فأرجوكن لا تستهزأن بشعوري و احاسيسي

هذا يا طويلات العمر وصلت للشهر الثامن وامي كانت تقولي سوي اشعه عشان تتطمنين على وضعك مو لازم تعرفين نوعه
ايه لا انسى انا اول ما حملت حذرت امي
قلت لها ياميمتي لا تسالين الحركه شلون سباحه ولا ترفيس الترفيس ولد مثلك بطنك فوق اكيد ولد تقعدين تأمليني
مثل حملي الثالث
وامي ياعمري من حملت ما قالت لي شي
المهم لما كثرت حالات نزول المشيمه عند بعض الاخوات خفت على نفسي انا ما اعرف وضع الجنين
كانت الحركه فوق وانا فرحانه لانها اول مره تصير كذا فقلت اكيد ولد
بس بعدين خفت ان المشيمه تحت عشان كذا الحركه فوووق
قلت في نفس كلها ايام ويدخل شهر رمضان علينا اسوي سونار عشان اذا لا قدر الله قالو لي بنت الشياطين تكون مربطه فــما توسوس لي انتي دعيتي وفعلتي والله ما استجاب لك
كنت في داخل نفسي متأكده انه ولد بس لحظات كنت اخاف العانيكك
حلمت حلم وفسره لي شيخ اني بجيب ولد
المهم ما صبرت سويت سونار قبل رمضان بايام ولما رحت للدكتوره ما خليت
زوجي يدخل معي
عشان ما اعلمه بالولد واخليها مفاجئه الى حين الولاده

دخلت على الدكتوره زوجي برى ينتظر نمت على السرير الدكتوره تحرك بهالجهاز

قلبي يدق بسرعه دق دق دق واخيراً قالت لي الدكتوره

بنت

ايه بنت قالت الدكتوره بنت

طبعاً الدكتوره ما قالت لي على طول بنت
لا قالت لي مش باين
قلت ايه تبغين عشان اجي الشهر اللي بعده وادفع بعد هذا طبعكن
قلت للدكتوره كيف مش باين انا بالثامن اذا ما علمتيني اعطيني فلوسي
هنا الدكتوره خافت وقالت لي بنت
قلت لها صوري لي العضو ابغى اشوف واخذ صوره معي
صورت لي وعطتني صوره

هنا ما اقدر اكتب لكم احساسي وشعوري

مهما كتبت ما اقدر اوصل لكم الي حسيت به

كنت ادعي طول شهور الحمل اللهم ارضني بما تقسمه لي مع الالحاح
اللهم صب الرضا في قلبينا انا وزوجي

المحزن في الامر تدرون ايش

هو زوجي

لان الممرضه الغبيه طلعت من عندي وراحت له وهي تدري ان عندي ثلاث بنات

راحت لزوجي وقالت راح يجيك بيبي نونه خلي بالك منه
وهو ياحياتي طار من الفرحه على باله ولد
لما طلعت له وهو بالانتظار كانت الابتسامه شاقه وجهه وقالي بشرتني الممرضه قبلك

قلت له بنت
قال بنت

قلت له لا انت فهمت غلط بنت مو ولد تغير وجهه وسكت

انا وانا في السياره احس انه فيه مويه حاره تنكب علي بالتدريج
لما وصلت للبيت بنتي قالت لي ماما ايش بنسمي البنت انا غصب صرخت عليها وقلت لها اسكتي
هنا تبسم زوجي وقال لها اتركي امك
انا رحت جري على غرفتي وجاني زوجي وهو لسى مو مقتنع بكلامي يحسب اني بخبي عليه
قال لي وريني الاشعه ابي اتاكد
انا اعطيته الاشعه وانفجرت بالبكاء استغفر الله العظيم

بعد ايام بدت الحاله معي مره ثانيه
يمكن خطا يمكن الدكتوره ما تعرف يمكن يمكن
دخل علينا شهر رمضان وقلت لازم اسوي اشعه ثلاثيه واتاكد
وتكرر نفس السيناريو انا وزوجي وتاكدت انها بنت
وبالبيت بديت اصيييييييييييييييييييييييييييي يح
وهنا قالي زوجي اذا انت ما تبغي هالبنت انا ابغاها
انت مو اهم شي عندك انا انا راضي

في نفس اليوم كلمت اختي وخبرتها واختي خبرت امي
لما رحت لامي ثاني يوم كنت اشوف الحزن بعيونها باين ووجهها صاير مثل الليمونه
لكنها ما تكلمت معي في هالموضوع((انا الحين غصب عني بكيت تذكرت شكلها))

,,,,,,,,,,,, .........
مر علي الشهر التاسع عن عشر شهور وكنت دايم ادعي اللهم ارضني بما تقسمه لي
اللهم صب محبة هالبنت اللي في بطني بقلب زوجي وجميع هلي
واعيد واكرر اني والحمد لله متجهه لله في امور عديده لكن ما احب اذكرها اخاف من الرياء وضياع الاجر

والحمد لله جبت بنتي بسلامه من الله
لكن للاسف مافي فرحه
ماكأني تعبت بالحمل والولاده لكن عسى ربي ما يحرمني الاجر ويطرح البركه في هالبنات ويكبر حظهن بالدنيا
والاخره ويسعدنا جميعاً

بنتي الحين
اكيد انا وزوجي نغليها الضنا غالي
والحمد لله على عطاه

انا كتبت الموضوع وادري اني في نعمه وغيري محروم
لكن الانسان يسعى وهذا حلال
ادري ان بعضكن انصدمن من النهايه
لان فيه كثير عندهن نيه التجربه
وانا اقول لكل وحده تبغى الولد عادي اسعي وخوذي بالاسباب
اعرف انه الحريم يجيبن اولاد وبنات بدون خرابيط على قولتكن
بس هالخرابيط ما هي حرام بالعانيكك تعمق فينا الرضى بالمكتوب
واحب اعطيكن خبر اني انا من كنت طفله احب البنات واكره الاولاد
ادري ان غيري محروم من الضنا وانا احمل واجيب
لكن كل من عندها بنات تتمنى الولد والعانيكك ايضاً صحيح

لكن ودي افرح زوجي ويجيه ولد ياخذه معاه بمشاويره بدل ما ينقل ببناتي معه احس البنت الافضل لها البيت او مشاوير مع امها
ادري ان في حريم جابن6و8و 9 بنات وبعدها اولادبس حنا غير ما نقدر كل سنه نحمل ونولد مثل حريم اول
الحمل صعب والتربيه اصعب

بعد انا طبقت على زوجي امور كثيره كنت اقرها منها غسل ال...... بالماء قبل الجماع
شرب القهوه
اشياء كثيره بصراحه

تدوين ايش اللي يحطمني كل ما اتذكره
كنت قبل ما احمل ببنتي الرابعه اقول لزوجي خلنا نسوي تلقيح صناعي
وكان يقول لا اذا انا ما لقحتك بنفسي ما ارتاح لاي شي ثاني
وكنت افرح لما كان يقول كذا

ولما حملت بالرابعه وسويت سونار وعرفنا انها بنت
بعدها بفتره قالي المره الجايه بريحك

انا استانست على بالي بيقول نقعد اريع سنين راحه من الحمل
فقال نسوي تلقيح صناعي لتؤم عيال

هو لما قال كذا انا تحطمت بكل ما تعنيه الكلمه من معنى
عرفت ان انجاب الولد لايزال همّ عنده وشغله الشاغل

لكن يبقى السؤال
هل اعيد التجربه؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟
ايش رايكن وش تتوقعن جوابي؟؟؟؟؟؟؟؟؟؟

م
ن
ق
و
ل